Everton ayaa loolan ugu jirta saxiixa Amir Richardson, iyadoo aan dooneynin inay bixiyaan qiimaha lagu doonayo.
Everton ayaa lagu soo waramayaa inay xiiseyneyso saxiixa xiddiga heerka caalami ee dalka Morocco Amir Richardson kaasoo ka imaanaya kooxda Ligue 1 Stade de Reims xagaagan.
Sida laga soo xigtay L’Equipe, Everton ayaa isha ku haysa saxiixa Amir Richardson. Kooxda ka dhisan horyaalka Ligue 1 ee Stade de Reims ayaa 22 jirkaan khadka dhexe ku qiimeeysay 8 milyan oo euro. Si kastaba ha ahaatee, Everton ma dooneyso inay bixiso qiimaha lagu doonayo.
Ciyaaryahanka khadka dhexe ee Reims ayaa aad loogu qiimeeyaa kubada cagta Faransiiska, waxaana uu leeyahay mustaqbal ifaya oo ka horeeya naftiisa.
Waxa uu noqon karaa ciyaaryahan muhiim u ah Everton, waxaana ay noqon doontaa mid xiiso leh in la arko haddii Everton ay heli karto heshiiskiisa.
Ciyaaryahanka khadka dhexe ee da'da yar ayaa lagu qiimeeynayaa 10 milyan oo Yuuro, waxaana uu kooxda Ligue 1 kula jiraa heshiis fog oo dhacaya 2027.
Waxa uu u noqon karaa ciyaaryahan muhiim ah Everton hadii ay qiil u hesho maalgashigiisa. Waa la arki doonaa sida ay xaaladda ay noqoto.
Wax qarsoodi ah ma aha in Everton ay u baahan tahay inay horumariso doorkeeda khadka dhexe, Richardson waa inuu caddeeyaa inuu yahay mid tayo leh.
22 sano jirkan khadka dhexe ka ciyaara ayaa isku muujiyay Ligue 1, wuxuuna leeyahay astaamo farsamo oo uu si fiican uga soo muuqan karo Premier League sidoo kale.
Waxa uu awood u leeyahay inuu ka shaqeeyo khadka dhexe ee kubad dhisidda iyo sidoo kale khadka dhexe ee daafaca. Ciyaartoyga caalamiga ah ee Morocco wuxuu ku dari doonaa dabool difaac, hal-abuur iyo xakameynta dhinaca kasta si qoto dheer.
Qiimaha lagu dalbanayo waa €8 milyan ee euro sida la soo sheegay waxaa ayna u muuqataa mid macquul ah hadii loo eego ciyaartoyga kartidiisa iyo kubaddiisa.
Waxa ay noqon doontaa mid xiiso leh in la arko haddii Everton ay ugu dambeyntii go’aansato inay bixiso. Si kastaba ha ahaatee, Everton waxay dooneysaa ciyaartoy kale oo khadka dhexe ah, oo uu ka mid yahay Matt O'Riley.
Everton waxay u baahan tahay xiddig tayo leh xagaagan
Everton ayaa ka dagaalameysay u laabashada heerka labaad xilli ciyaareedyadii u dambeeyay, waxaana ay rajeynayaan inay wax wanaagsan qabtaan sanadaha soo socda.
Sean Dyche ayaa rajeynaya inuu ku hogaamiyo ku dhameysashada meel fiican xilli ciyaareedka soo socda. Everton waxay u baahan tahay ciyaartoy tayo leh si ay taasi u dhacdo, Saxiixa ciyaaryahan dhexe oo tayo leh ayaa hubaal ka caawin doona inay horumar sameeyaan; waxaana la arki doonaa in ay heli karaan heshiiska iyo in kale.
Fursada uu ugu wareegayo Premier League ayaa aad u soo jiidan doonta Richardson, waxaana uu isku dayi doonaa inuu isku muujiyo kubada cagta Ingariiska. Waxayna u noqon doontaa tallaabo weyn oo uu kor ugu qaadaayo xirfaddiisa.
Hadii uu ku guulaysto in uu wacdaro ka dhigo Everton xilli ciyaareedka dambe waxa uu heli doonaa fursado badan oo uu ugu biiri karo kooxo waaweyn mustaqbalka dhaw.
*****
Chelsea iyo Real Madrid ayaa lagu soo waramayaa inay si dhow ula socdaan xaaladda goolhayaha Portugal iyo FC Porto ee Diogo Costa tartanka UEFA Euro 2024 oo ka socdo dalka Germany.
 |
| Real Madrid iyo Chelsea |
Sida lagu sheegay warbixin uu soo saaray Jornal de Noticias oo laga soo xigtay Sport Witness, Chelsea iyo Real Madrid ayaa isha ku haya goolhayaha caalamiga ah ee dalka Portugal Diogo Costa kaas oo ay FC Porto ku qiimaysey 75 milyan oo Yuuro.
Costa ayaa si aad ah wacdaro uga dhigay Portugal xagaagan 2024 UEFA European Championship, badbaadintiisii rigoore ee uu ka badbaadiyay Slovenia ayaa u ogolaatay Portugal inay u soo baxdo wareega 8da ee tartanka Euro 2024.
La yaab ma ahan in Chelsea ay xagaagan raadineyso goolhaye tayo sara leh, iyadoo Costa uu bartilmaameed u yahay. Waxa ay la soo wareegeen Robert Sanchez xagaagii hore, laakiin goolhayaha reer Spain ayaa ahaa mid aad u liita. Chelsea kuma qanacsana qaab ciyaareedkiisa, waxaana ay haatan doonayaan inay la soo wareegaan wax goolhaye ka taya sareeyo.
Qiimaha lagu rabo ee 75 milyan oo Yuuro ayaa u muuqda mid aad u sarreeya, Blues ayaa rajeyneysa inay kula soo wareegto qiimo macquul ah xagaagan. Waxeyna isku dayi doonaan inay lasoo wareegaan xiddigan.
Dhanka kale, Real Madrid ayaa iyadana qorsheyneysa mustaqbalkooda goolhaye, Costa ayaana noqon kara bedelka ugu haboon ee Thibaut Courtois. Goolhayaha Belgianka ayaa dhaawac soo gaaray ku seegey ciyaaraha 12-kii bilood ee la soo dhaafay, Real Madrid ayaa raadin doonta goolhaye taya sara leh xilli ciyaareedka soo socda.
Fursada uu ugu biiri karo kooxaha sida Chelsea iyo Real Madrid ayaa aad u soo jiidan doonta ciyaaryahanka, waxayna u noqon doontaa horumar weyn oo xirfadiisa ciyaareed ah. Waxa uu rajayn doonaa inuu ku riixo koobab waaweyn xilli ciyaareedka soo socda hadii uu heshiiska dhaco.
Waa la arki doonaa ciddii qaadata xiddigaan Chelsea ama Real Madrid. Porto ayaa dhageysan doontaa dalabaadkooda iyo qiimaha ay ku doonayaan waxa ayna farta ka saari doonta kooxdii buuxisa shuruudaha ay rabto.
Post a Comment